Om kristenblogg, plagiat og ekstremisme

(Med takk til Shoaib for ein sentral bit i puslespelet).

Andreas Hesselberg publiserte nyss ein artikkel på Borgerjournalistene.org og Kristenblogg som handla om kor fæle muslimar er. Det er ikkje så overraskande, me har også lese om vondskapsfulle katolikkar der.

Nettsida har på kort tid vorte eit forum for kristenekstremistar. Den siste artikkelen gjorde dei også oppglødde. Den fyrste kommentatoren skreiv "kjempebra skrevet". Men det var ikkje ein gong Hesselberg som skreiv det...

Ord for ord

Det er ikkje ein gong eit plagiat han har levert. Det er meir eller mindre rein skjer avskrift frå ein artikkel skrive av karen med det fornøyelege namnet Stan Goodenough, ein sørafrikansk kristensionist busett i Israel. Sjå berre:

En dag, forhåpentligvis ikke alt for langt frem i tid, vil den iskalde virkelighet slå de såkalte "politisk korrekte" mennesker i ansiktet med et kraftig svingslag. De vil bli sjokkert over selverkjennelsen av at de tok feil hele tiden, og at det ikke finnes noe som heter "moderate" muslimer på denne jord likevel. Jeg regner selvfølgelig med at de ikke allerede har kommet til denne selverkjennelsen, og at de ikke bare nekter å erkjenne at den "moderate" muslimen er en myte. Ved en slik erkjennelse er det fare for at de fremstår som politisk ukorrekte, og det vil de vel ikke ha noe av? Til alle de som bedrar seg selv, og i tillegg forsøker å bedra andre har jeg følgende å si (kristenblogg)

One day, hopefully in the not too far-off future (for the longer the drop the harder the fall,) icy reality is going to hit the politically correct slap-bang in the face, shocking them with the realization that they were wrong all along, and that there really is no such thing as a “moderate” Muslim after all. I am assuming, of course, that they don’t already know this; that they are not just refusing to acknowledge it because they are afraid to be seen as politically incorrect. To any who are thus deceiving themselves even as they try to deceive others, let me say this (Stan Goodenough, Jerusalem Wathcman)

Inga ære til Goodenough

Hesselberg har ikkje kreditert Goodenough, ikkje linka til Goodenough, ikkje ein gong nemnd Goodenough. Han har derimot stole det eine dårlege poenget etter det andre frå Goodenough, og det har han gjort ord for ord.

Goodenough skriv om epileptikaren Muhammed og tilskriv dette historikarar, Hesselberg gjer det same. Ingen av dei nemner at "historikarane" det er snakk om driv med reine gjetteleikar og at ein del av desse "historikarane" også meiner Paulus og Moses hadde sine syner grunna sjukdomsanfall.

Månegud?

Goodenough skriv om korleis Muhammed valde ut ein av dei førarabiske gudane - måneguden - til å verta sjølve Guden. Hesselberg gjer det same. Det er like feilaktig okkesom, og ein påstand som er plukka frå dei mest latterlege forsøka på islamkritikk. Allah i islamsk tru har svært lite til felles med den arabiske polyteismens månegud Hubal. Klassiske islamske tekstar fortel for øvrig om motstanden mot læra om Allah frå nettopp Hubal-dyrkarar, og ordet vert faktisk brukt om "idol" (falsk gudebilde) i arabisk den dag i dag. Hesselberg har nok, utan å vera klar over det, høyrd eller sett det brukt av til dømes Osama bin Laden, som snakkar om "vår tids idol", men faktisk refererer til "vår tids Hubal" og ikkje til f.eks. Kurt Nilsen. Ingen av dei nemner at gudsbiletet i islam har svært mykje til felles med det kristne, det jødiske og det zoroastriske, noko som er noko dei aller fleste religionsvitarar vil kunna fortelja deg.

Al-Ilah, arabisk for guden, er forresten det same ordet som ein finn i fleire andre semittiske språk, som i den majestetiske fleirtalsforma brukt i Bibelen sitt fyrste vers:

Bereshit bara Elohim et hashamayim ve'et ha'arets.

I byrjinga skapte Gud himmelen og jorda.

Mange muslimar trur og freistar å få heile verda til å tru at Allah og den kristne guddommen er den same, skriv Hesselberg, i ei av få setningar som ser litt annleis ut hjå Goodenough. Javisst, det er muslimsk tru. Verken Goodenough eller Hesselberg nemner noko om at Moses, Abraham og jamvel Jesus er viktige profetar i islam. Eg kunne ha halde fram på same måten.

Guds straffedom

Innlegget til Goodenough oser av manglande kjennskap til religionen han kritiserer. Hesselberg kan ein ikkje ein gong kritisera for det; den kjennskapen han byr på er rein avskrift. Men eit meir interessant spørsmål er dette: Fortel det noko om kristenbloggar Hesselberg at han vel nettopp Goodenough som unemnd bidragsytar. Goodenough var til dømes ein av dei som meinte at orkanen Katrina var ein Guds straffedom, eit resultat av "the lifting of God's hand of protection; the implementation of His judgment on the nation most responsible for endangering the land and people of Israel".

Dersom ein faktisk trur og meiner dette, så har ein eit verdssyn som må kallast relativt originalt.

"Perverse seksuelle livsstilar"

Men det blir - om mogleg - verre. Lat oss sjå kva Goodenough skriv om (google cache) til dømes homofile.

Not only the Muslim world means to steal Jerusalem from the Jews, but one of the planet's most militant movements also has the ancient Holy City in its sights.

In August this year, hundreds of thousands of men and women who practice perverse sexual lifestyles plan to descend on Jerusalem for a week of wickedness.

Not content with morally polluting cities - from San Francisco to Montreal to Sydney to Berlin, - the movement whose members insist they have the right to flaunt their behavior in the face of the rest of the world want to notch up a victory in the capital of Israel. ->Having successfully conquered Jerusalem, these people clearly hope to ensure that no other city on earth will be able to withstand their assault.

Det formeleg oser av kristen nestenkjærleik. Ikkje sant?

Oppdatering: Hesselberg hevdar at det er "en forglemmelse", og gjer no Jerusalem Watchman opp som "kjelde". På kristenblogg viste imidlertid Hesselberg sjølv "kommentarene til mitt innlegg" og gjer ikkje noko forsøk på å retta dei som skryt over artikkelen "hans".